Со голема чест и задоволство, Ротари клуб Скопје Центар го потпиша договорот за издавање на првиот учебник за моден дизајн во Македонија! 
Договорот беше официјално потпишан од претседателката на клубот, Искра Ветаџокоска, авторката проф. Зорка Тодорова Младеновиќ и издавачката куќа Арс Ламина.
Благодарение на своето врвно искуство стекнато на париските модни школи и со огромна пасија за модата, проф. Тодорова Младеновиќ подготви учебник со наслов:
„Историја на облеката и модата: од праисторија до денес“ – прв ваков труд кај нас, кој ќе внесе нови вредности во образованието и модната индустрија.
Како клуб кој постојано вложува во напредок на општеството, со гордост ќе обезбедиме финансиска поддршка за издавање на ова значајно едукативно дело. 
